ହାଇକୁ ସାଧନା ଖୋର୍ଦ୍ଧା
ସାରସ୍ଵତ SEDOKA/ସେଦୋକା କାବ୍ୟ ଯାତ୍ରା ~ ୯
ସେଦୋକା
୧)
ଶୁଭ୍ର ଶରତ
ଝରା ଶେଫାଳୀ ବାସ୍ନା
ସଦ୍ୟ କାକର ବିନ୍ଦୁ
ରବି କିରଣେ
ଝଟକେ ମୁକ୍ତା ସମ
ଉଷାରାଣୀ ଗଳାରେ ।
୨)
ଦ୍ଵିତୀବାହନ
ସୂର୍ଯ୍ୟ କୃପାରୁ ଜନ୍ମ
ଆଶ୍ଵିନ ମୂଳାଷ୍ଟମୀ
ପର୍ବ ପାଳନ
ସନ୍ତାନ ସୁଖ ପାଇଁ
ମାଆ ବ୍ରତ ପାଳଇ ।
୩)
ଦ୍ଵିତୀୟା ଓଷା
ଭାଇଚାରାର ବାର୍ତ୍ତା
ପନିପରିବା ଘାଣ୍ଟ
ଭାରି ବଢିଆ
ଓଡ଼ିଆ ସଂସ୍କୃତି ର
ନିଆରା ପରମ୍ପରା ।
~ ବାସନ୍ତୀ ଦେଈ ଖୋର୍ଦ୍ଧା
୪)
ସାରା ସଂସାର
ଲୀଳା ଖେଳା କାଳର
ସୃଷ୍ଟି କିମ୍ବା ସଂହାର
ନୁହେଁ ହାତର
ପ୍ରତିକାର ଏହାର
ଲୋଡ଼ା ଥାଏ ଧୈର୍ଯ୍ୟର ।
୫)
ବୋହୁ ବାହୁନା
ସାଇ ପଡିଶା ଅନା
ଲାଗେ କେତେ କରୁଣା
ଆଉ ତ ନାହିଁ
ଝିଅ ଯାଉଛି ଧାଇଁ
ଲୁହ ଟୋପାଏ କାହିଁ ?
~ ଚପଳା ପଣ୍ଡା, ଖୋର୍ଦ୍ଧା
୬)
ଜୀବନ ମୃତ୍ୟୁ
କାହା ହାତରେ ନାହିଁ
ସମୟ ଅନୁସାରେ
ବିଧି ନିର୍ଦିଷ୍ଟ
ଶରଣ ଭଗବାନ
ଜପ ଶ୍ରୀରାମ ନାମ ।
୭)
ନିଶା ବେପାର
ଅର୍ଥ ଲୋଭରେ ହୁଏ
ନିଶାର କାରବାର
ମଦ ଗଂଜେଇ
ଧନ ଜୀବନ ହାନି
ସମାଜ ଅବନତି ।
୮)
ନିଶାର ନିଶା
ଆମେ ଖାଉଛେ ଆଜି
ଭୁଲିବାକୁ ସମସ୍ୟା
କାଲିକୁ ଦେଖ
ସେ ଆମକୁ ଖାଇବ
ସମାଧାନ ନ ଥିବ ।
~ ଜ୍ୟୋତି ପ୍ରଭା ପଟ୍ଟନାୟକ
୯)
କୁସୁମ କଢ଼ି
ପର୍ଯ୍ୟାୟ କ୍ରମେ ବଢ଼ି
ଫୁଲ ରେ ଶେଷ ପିଢ଼
ସୌନ୍ଦର୍ଯ୍ୟ ପ୍ରୌଢ଼ୀ
ଈଶ୍ୱର ଦେଲେ ଗଢି
ପ୍ରଦାନ ମନ୍ତ୍ର ପଢି ।
୧୦)
ସୀମାନ୍ତ କ୍ଷେତ୍ର
ସୈନିକ ଏକ ମାତ୍ର
ଜଗନ୍ତି ଅହୋ ରାତ୍ର
ରକ୍ତ ନିସୃତ
କୃଷକ କୃଷି କ୍ଷେତ୍ର
ମାତୃଭୂମି ସୁପୁତ୍ର ।
୧୧)
ନାହିଁ ନିସ୍ତାର
ମହୀରେ ସୂର୍ଯ୍ୟ କର
ଆକାଶେ ମେଘ ଘୋର,
ଚଡକ ମାର
ଚପଳା ବାର ବାର
ଜୀବନ କଷ୍ଟ କର ।
୧୨)
ସମୟ ଗତି
ନାହିଁ ତାର ବିରତି
ଚାଲେ ସେ ଦିବା ରାତ୍ରି
ଅଭୁଲା ସ୍ମୃତି
ହୁଏ ଉଜ୍ଜଳ ଅତି
ହୃଦେ ରଖେ ସାଇତି ।
~ ସୂର୍ଯ୍ୟକାନ୍ତି ଦାଶ, ଜଟଣୀ
୧୩)
ଅମା ଅନ୍ଧାରେ
ଗ୍ରାମ୍ୟ ଜୀବନ ଶୈଳୀ
କୁମାରୀ କନ୍ଯା ମିଶି
ବିଳମ୍ବ ରାତ୍ରେ
ପଲ୍ଲୀ ଗୀତ ଗାଇଣ
ବିଭୋର ଆତ୍ମ ତ଼ପ୍ତି ।
୧୪)
ବିଶ୍ବ ପୋଷଣ
ସେପ୍ଟେମ୍ବର ମାସ
ପାଳିବା ସର୍ବେ ମିଶି
ସୁସ୍ଥ ସମାଜ
ପାଇଁ ସୁନ୍ଦର ସ୍ବାସ୍ଥ୍ଯ
କରିବା ଯୋଗାଭ୍ୟାସ ।
୧୫)
ବିଜ୍ଞାନ ଯୁଗ
ଅସାଧ୍ଯ ସାଧ୍ଯ ପ୍ରାପ୍ତ
ଚଳ ଚଂଚଳ ସର୍ବେ
ଯନ୍ତ୍ର ମାନବ
ନାହିଁ ସୁଷମ ଖାଦ୍ୟ
ଅଳ୍ପ ଆୟୁଷ ଭୋଗ ।
୧୬)
ପୂର୍ବ ଆକାଶେ
ପ୍ରାତଃକାଳେ ଭାସ୍କର
ଢାଳେ କୋମଳ ଜ୍ୟୋସ୍ନା
ନାହିଁ ଆଳସ୍ଯ
ସମୟାନୁବର୍ତ୍ତିତା
ସାଧୁ ଜୀବନ ସିଦ୍ଧି ।
୧୭)
ବିରାଟ କାୟ
ମେଘ ଶରୀର ବହି
କୁଲା ପରି କାନ
ବ଼କ୍ଷ ବର୍ତ୍ତୁଳ
ଚାରିଟି ଗୋଡ ଜାଣ
ଅଜଣା ଥଳ କୂଳ ।
~ ଝୁମୁରୀ ସାହୁ ଜଟଣୀ
୧୮)
ଜୋଛନା ରାତି
କାକର ଭିଜା ମନ
ଅସୁମାରୀ ସପନ
ମିଳନ ଆଶା
ଅନଳ ର ଦହନ
ଧୀରେ ହୁଏ ବିଲୀନ ।
୧୯)
କୁଳ ନନ୍ଦନ
ଅପୂର୍ବ ଶୋଭା ବନ
ଜୀବନ ଚଲା ପଥ
ଶକ୍ତି ସାହସ
ଶୀତଳ ବାହୁଛାୟା
ପିତା ମାତାଙ୍କ ସାହା ।
୨୦)
ସବୁଜ ପତ୍ର
ପାଚିଲା ଝଡିପଡେ
ଦେଇଥାଏ ସନ୍ଦେଶ
ଜୀବନ ଯାତ୍ରା
ଗୁଣ ଚିର ବସନ୍ତ
ସେଇ ଏକା ଜୀବନ୍ତ ।
~ ଆରତୀ ପ୍ରହରାଜ, ଭୁବନେଶ୍ୱର
୨୧)
ମନ ଅରଣ୍ୟ
ଆଶା କନକମୃଗ
ଧାଉଁଥାଏ ନିତି
ସୁଖ ସନ୍ଧାନେ
ଅଯଥା ପଥଶ୍ରାନ୍ତ
ବିତେ ଜୀବନଯାକ ।
~ ବିଳାସିନୀ ଦାଶ, ମଧୁସୂଦନ ନଗର
୨୨)
ଗୋଠ ସୁନ୍ଦରୀ
ସରଗ ଅପସରି
ଗରଳ ମନେ ଭରି
ସଂସ୍କାର ହୀନ
ଧରାକୁ ସରା ମଣି
ବୋଲାଉଛୁ ଘରଣୀ ।
୨୩)
ବୃକ୍ଷ ମହାନ
ସକଳ ଜୀବଜନ୍ତୁ
ପାଆନ୍ତି ଅମ୍ଳଜାନ
ନୂଆ ଜଙ୍ଗଲ
ସୃଷ୍ଟି ଆମ ସଂଗ୍ରାମ
ବେଳହୁଁ ସାବଧାନ ।
~ ସସ୍ମିତା ବାରିକ୍, ବୋଲଗଡ଼
☆☆☆☆☆☆☆☆☆☆☆☆
कोई टिप्पणी नहीं:
एक टिप्पणी भेजें