ହାଇକୁ ସାଧନା ଖୋର୍ଦ୍ଧା
ସାରସ୍ଵତ ସେଦୋକା କାବ୍ୟ ଯାତ୍ରା ~ ୧୭
ସେଦୋକା
୧)
ଭାବ ଠାକୁର
ଅଭାବେ ବହୁଦୂର
ଭାବ ମନ୍ଦିରେ ସିଏ
କରିଛି ଘର
ଥିଲେ ଲକ୍ଷେ ଯୋଜନେ
ଡାକ ସେ ଶୁଣେ କର୍ଣ୍ଣେ ।
~ ବାସନ୍ତୀ ଦେଈ ଖୋର୍ଦ୍ଧା
୨)
ଭକ୍ତିର ପଥ
ଶାଶ୍ବତ, ଚିରନ୍ତନ
ଦିବ୍ୟ ଆନନ୍ଦ ପ୍ରଦ
ଶ୍ରେଷ୍ଠ ଆଦର୍ଶ
ଖୋଜ ଆପଣା ପାଇଁ
ଲଭ ଜୀବନେ ସୁଖ ।
~ ଆରତି ମଞ୍ଜରୀ ଦାଶ, ଗୁରୁଜଙ୍ଗ
୩)
ଦିବସ ଶେଷ
ରବି କିରଣ ହ୍ରାସ
ପକ୍ଷୀ ଫେରନ୍ତି ବାସ
ସରିଲା କ୍ରୀଡା
ଧେନୁ ଘର ବାହୁଡା଼
ଭକ୍ତ ମନ୍ଦିରେ ଛିଡା ।
୪)
ନାହିଁ ସେକାଳ
ଏବେତ ନୂଆବେଳ
ସହର କୋଳାହଳ
ବିଜ୍ଞାନ ବଳ
ବୃକ୍ଷର ହେଲା କାଳ
ଅମ୍ଳଜାନ ଦୁର୍ବଳ ।
୫)
ଥୁଣ୍ଟା ଗଛଟି
ମନେ ସ୍ମୃତି ସାଉଁଟି
ସୁମରେ ସ୍ରଷ୍ଟା ସୃଷ୍ଟି
ସାରା ଜୀବନ
ଫଳ ଛାୟା ପ୍ରଦାନ
ଶେଷେ ହୋଇବ ଲୀନ ।
୬)
ସରସୀ ଜଳ
ପଦ୍ମ ପତ୍ର ଗହଳ
ଦିଶୁଚି ସୁନିର୍ମଳ
ମୀନ ପ୍ରବଳ
କୂଳ ତା କୋଳାହଳ
ପଶୁ ପକ୍ଷୀଙ୍କ ମେଳ ।
~ ସୂର୍ଯ୍ୟକାନ୍ତି ଦାଶ, ଯାଆଁଳା, ଜଟଣୀ
୭)
ଆମରି ସତ୍ୟ
ମାସିକ ପତ୍ରିକାଟି
ହୋଇଛି ଉପାଦେୟ
ପାଠକ ପ୍ରିୟ
ଖେଳ ପୁରାଣ ସ୍ୱାସ୍ଥ୍ୟ
ଭଲ ସମ୍ପାଦକୀୟ ।
~ ଜ୍ୟୋତି ପ୍ରଭା ପଟ୍ଟନାୟକ
୮)
ମରିବା ପାଇଁ
କେହି ଚାହାଁନ୍ତି ନାହିଁ
ଦେଲେ ଦାତା ବୋଲାଇ
ଜୀବନ ଦେଇ
ମାଟି ମାଆର ପାଇଁ
ଯାଏ ଶହୀଦ ହୋଇ ।
~ ଡ଼ଃ ବୃନ୍ଦାବନ ପଣ୍ଡା, ଖୋର୍ଦ୍ଧା
୯)
ମାଟି ର ଦେହୀ
ଜଠର ଠାରୁ ଜୁଇ
ଜୀବନ କ୍ଷଣସ୍ଥାୟୀ
ରିପୁ ର ବଶ
ଆଶା ତ ବୈତରଣୀ
ବୋହିଯାଏ ଉଜାଣି ।
~ ଆରତୀ ପ୍ରହରାଜ, ଭୁବନେଶ୍ୱର
୧୦)
ଘନ ବନାନୀ
ଛାୟା ପ୍ରଦ ପାଦପ
ବିହଙ୍ଗ କଳରବ
ମନ ଆହ୍ଲାଦ
ଚଞ୍ଚଳ ନିର୍ଝରିଣୀ
ବୋହିଯାଏ ଉଜାଣି ।
୧୧)
ମଧୁର ବାଣୀ
ସଭିଙ୍କ ହୃଦ ଛ୍ମଏଁ
ପର ଆପଣା ହୁଏ
ଦ୍ବେଷ ମିଟାଏ
ହୋଇ ଲେ ମିଷ୍ଟଭାଷୀ
ଅକ୍ଲେଶେ କାର୍ଯ୍ୟସିଦ୍ଧି ।
~ ମଧୁଛନ୍ଦା ଦାଶ, ଭୁବନେଶ୍ୱର
☆☆☆☆☆☆☆☆☆☆☆☆
.jpeg)
कोई टिप्पणी नहीं:
एक टिप्पणी भेजें