ହାଇକୁ ସାଧନା ଖୋର୍ଦ୍ଧା
ସାରସ୍ୱତ ସେଦୋକା କାବ୍ୟ ଯାତ୍ରା ~ ୧୮
୧)
ହେ ଜଟାଧାରୀ
ଭୋଳା ବାବା ମହେଶ
ଶିରରେ ଗଙ୍ଗା ମାତା
ଶୋହେ ଚନ୍ଦ୍ରମା
କୈଳାଶ ଅଧିପତି
ଦେବୀ ପାର୍ବତୀ ପତି ।
~ ବାସନ୍ତୀ ଦେଈ, ଖୋର୍ଦ୍ଧା
୨)
ମଧୁ ମକ୍ଷିକା
ଭ୍ରମେ ପୁଷ୍ପବାଟିକା
କୁସୁମ ମହୁଚଖା
ରଖେ ସାଇତି
ମହୁଫେଣା ରେ ନୀତି
ଲୋକ ନିଅନ୍ତି ଲୁଟି ।
୩)
ପୋଷା କୁକୁର
ଜଗେ ମାଲିକ ଘର
ଦୁର୍ମୁଲ୍ୟ ଖାଦ୍ୟ ତାର
ବାହାର ଶ୍ଵାନ
ଅଇଁଠା ପତ୍ରେ ଧ୍ୟାନ
କର୍ମ ତା ହୀନିମାନ ।
୪)
ବଜାର ଦର
ଘୁରେ ଗ୍ରାହକ ଶିର
ବଢୁଛି ତେଲ ଦର
ଗାଡି ମଟର ।
ଗଡ଼ିଲେ ଲାଗେ ଡର
ପିଆଜ ନାହିଁ ଘର ।
୫)
ହେ ବିଶ୍ୱଜିତା
କୁସୁମ କେତକୀ ର
ଆଭା ଶୋଭାମଣ୍ଡିତା
ନବ ରାତ୍ର ରେ
ତୁହି ମା ପୂଜା ପାଉ
ପୀଠ ସହିତ ଘରେ ।
~ ସୂର୍ଯ୍ୟକାନ୍ତି ଦାଶ, ଯାଆଁଳା, ଜଟଣୀ
୬)
ତୁଠ ପଥର
ଲାଗୁଛି ଆପଣାର
ମନେ ନ ଥାଏ ଦୁଃଖ
ଖାଏ ଗୋଇଠା
ସ୍ମୃତି ରହିଛି କେତେ
ସାଇତା ଅଛି ହୃଦେ ।
~ ଜ୍ୟୋତି ପ୍ରଭା ପଟ୍ଟନାୟକ
୭)
ହୁଏନା ବୁଝି
ଵୁଝାଇ ବି ହୁଏନା
ଦେଖାଇ ଦେଵା ଦୂର
ଦେଖି ହୁଏନା
ଈଶ୍ଵର ଭାଵ ହୃଦେ
ଥାଏ ଛପି ନିଭୃତେ ।
~ ଆରତି ମଞ୍ଜରୀ ଦାଶ
୮)
ନିନ୍ଦା ନ କର
ପିତା ମାତା ଆବର
ଗୁରୁ, ବୈଦ୍ୟ, ଯୋଗୀର
ପାପୀ ବର୍ବର
ମହା ଦୋଷରେ ସାର
ହୀନ ମତି ପାମର ।
~ ଚପଳା ପଣ୍ଡା।ଖୋର୍ଦ୍ଧା
୯)
ଅତି ଆପଣା
ପଦିଏ ମିଠା କଥା
ଚେନାଏ ସରୁହସ
ଚିହ୍ନା ଅଚିହ୍ନା
ପୁଲକିତ ଭାବନା
ଯୋଡି ଦିଏ ଅଜଣା ।
~ ଆରତୀ ପ୍ରହରାଜ, ଭୁବନେଶ୍ୱର
୧୦)
ଉଦ୍ଭଟ ଚିନ୍ତା
ତାଳକୁ ଝଡେଇବ
ଗୋଟେ ଫୋପଡ ମାରି
ଚଢିବା ଶିଖ
ଶ୍ରମରେ ସିଦ୍ଧି ମିଳେ
ବଢେ ଆତ୍ମବିଶ୍ବାସ ।
୧୧)
ଅତୃପ୍ତ ମନ
ମିଳିଲେ ଅସନ୍ତୁଷ୍ଟ
ନମିଳିଲେ ଅଶାନ୍ତି
ଅଳ୍ପକେ ଖୁସି
ଭରିଦିଏ ପ୍ରଶାନ୍ତି
ଜୀବନ ମଧୁମୟ ।
~ ବିଳାସିନୀ ଦାଶ, ମଧୁସୂଦନ ନଗର
☆☆☆☆☆☆☆☆☆☆☆☆
.jpeg)
कोई टिप्पणी नहीं:
एक टिप्पणी भेजें