ହାଇକୁ ସାଧନା ଖୋର୍ଦ୍ଧା
ସାରସ୍ଵତ ତାଂକା କାବ୍ୟ ଯାତ୍ରା
ଜାନୁଆରୀ - ୨୦୨୨
୧)
ନୂଆ ବରଷ
ଦିଅ ଦିବ୍ୟ ସନ୍ଦେଶ
ଶୁଭ ବାଇଶି
କରୋନା ଦିଅ ନାଶି
ଫୁଟୁ ହୃଦୟେ ହସ ।
୨)
ନବ ବରଷ
ସଚେତନତା ବାର୍ତ୍ତା
ଗଣୁ ପ୍ରମାଦ
କରୋନା ସାଧେ ଦାଉ
ଓମିକ୍ରନ ର ଭାଉ ।
୩)
ସକଳ ଜନ
କୋଭିଡ ଗାଇଡ୍ ମାନ
ମୁହଁ ରେ ମାସ୍କ
ହାତେ ସାନିଟାଇଜର୍
ନହେଲେ ହରଵର ।
୪)
ସଂକଟ ସ୍ଥିତି
ମନେ ଆଣଇ ଭୀତି
ଅଜବ ନୀତି
ଆସିବେ ବିଦ୍ୟାଳୟ
କୋମଳ ଛାତ୍ରଛାତ୍ରୀ।
~ବାସନ୍ତୀ ଦେଇ ଖୋର୍ଦ୍ଧା
୫)
ନୂଆ ବରଷ
ହୃଦୟ ପୁଲକିତ
ମନ ହରଷ
ନବୀନ ଉନ୍ମାଦନା
ଅସୀମ ସମ୍ଭାବନା ।
~ମଧୁଛନ୍ଦା ଦାଶ ଭୁବନେଶ୍ୱର
୬)
ପୁରୁଣା ନୂଆ
ଜଗନ୍ନାଥ ଟି ସାହା
ସବୁ ତା ମାୟା
ରଖ ମନରେ ଦୟା
ସଂସାରେ ନୁହଁ ବାୟା l
~ସୂର୍ଯ୍ୟକାନ୍ତି ଦାଶ, ଯାଆଁଳା, ଜଟଣୀ
୭)
ସ୍ଥିତି ନିରେଖି
ପିତାମାତା ଅନିଚ୍ଛା
ବଦଳେ ନୀତି
ସରକାର ନିଷ୍ପତ୍ତି
କରୋନା ଦ୍ରୁତ ଗତି।
~ ବାସନ୍ତୀ ଦେଈ ଖୋର୍ଦ୍ଧା
୮)
ଓ ମି କ୍ର ନ କୁ
ଅଣଦେଖା ନ କର
ସଂକ୍ରମଣ ତା
କରୋନା ଠୁ ଅଧିକ
ସଚେତନ ରହିବା।
୯)
ମାସ୍କ ପିନ୍ଧିବା
ହାତକୁ ବି ଧୋଇବା
ନ ଯିବା ଭିଡ଼
ସରକାରୀ ନିୟମ
କରୁଥିବା ପାଳନ।
~ଜ୍ୟୋତି ପ୍ରଭା ପଟ୍ଟନାୟକ
୧୦)
କର୍ମେ ପ୍ରବୃତ୍ତି
ଅନାସକ୍ତ ନିଯୁକ୍ତି
ଦିଏ ସୁଫଳ
ନିଷ୍କାମ କର୍ମଯୋଗ
ମିଳେ ଟି ଦିବ୍ୟ ତୃପ୍ତି ।
~ଆରତି ମଞ୍ଜରୀ ଦାଶ, ଗୁରୁଜଙ୍ଗ, ଖୋରଧା।
୧୧)
ସଂକ୍ରମଣ କୁ
ଡରବା ନି କେବେବି
ସଚେତନତା
ଆମର ଦରକାର
ଜୀବନ ଜୀବିକା ର।
~ଜ୍ୟୋତି ପ୍ରଭା ପଟ୍ଟନାୟକ
୧୨)
ଶୀତ ମାଉସି
ଯାଅ ନା ଆଉ ଋଷି
କନ୍ଥା ଚାଦର
ହୋଇଲାଣି ବାହାର
ବଢିଯିବ ଆଦର।
~ଜ୍ୟୋତି ପ୍ରଭା ପଟ୍ଟନାୟକ
୧୩)
ଆମ କଵିତା
କହେ ପ୍ରାଣର କଥା
ମରମ ଛୁଏଁ
ଲେଖା ସାର୍ଥକ ହୁଏ,
ଖୁଵ୍ ଆଦର ପାଏ।
~ଆରତୀ ମଞ୍ଜରୀ ଦାଶ
୧୪)
ପ୍ରାର୍ଥନା ସଭା
ସତସଙ୍ଗରେ ସର୍ବେ
ହେଲେଣି ଉଭା
ଶୁଣିବେ ପ୍ରବଚନ
ଦୁଃଖ ହେବ ମୋଚନ।
~ଜ୍ୟୋତି ପ୍ରଭା ପଟ୍ଟନାୟକ
୧୫)
ବିଚାର ବଡ଼
ଵ୍ୟକ୍ତିତ୍ଵ ତା'ଆଧାର
ବ୍ୟକ୍ତି ଜୀବନ
ଅଳୀକ,କାଳାଧୀନ
ବିଚାର ଚିରନ୍ତନ।
~ଆରତି ମଞ୍ଜରୀ ଦାଶ, ଗୁରୁଜଙ୍ଗ।
୧୬)
କହିବା ଲୋକ
କିମ୍ବା ସହିବାଲୋକ
କିଏସେ ବଡ଼
ସଂସାରେ ଉଠେ ଝଡ଼
ସହିବା ଗୁଣ ଶ୍ରେଷ୍ଠ।
୧୭)
ଆପଣା ଜନ
ଦୁଃଖରେ ମ୍ରିୟମାଣ
ସାନ୍ତ୍ୱନା ଦିଅ
ବିପଦ ବେଳେ ସଖା
ପ୍ରକୃତ ବନ୍ଧୁ ଲେଖା।
~ଜ୍ୟୋତି ପ୍ରଭା ପଟ୍ଟନାୟକ
୧୮)
ପାହିଲା ନିଶି
ଶୀତ ଲାଗୁଚି ବେଶୀ
ନିର୍ମଳ ଶଶୀ
ଆକାଶେ ଦିଏ ହସି
କୁହୁଡି ପଡେ ଖସି ।
୧୯)
ମାଘର ଜାଡ
କରଇ ଜଡ଼ ସଡ଼
ଶେଯ କୁ ଛାଡ଼
ପ୍ରାତଃ ଗମନେ ଜଡ଼
ସ୍ୱାସ୍ଥ୍ୟକୁ ହିତ ବଡ଼ ।
୨୦)
ଘନ କୁହୁଡି
ଶ୍ଵାନ କରନ୍ତି ରଡି
ଆକାଶୁ ପଡି
ଦିଶୁନି ଘରବାଡ଼ି
ଭିଜେ କାକର ପଡି ।
୨୧)
ଯାନ ବାହାନ
ହୁଅନ୍ତି ଦିଗ ହୀନ
ବଡ଼ ବା ସାନ
ଚାଳକ ସାବଧାନ
ନହେଉ କା ନିଧନ ।
୨୨)
ଶୀତ କାକର
କୁହୁଡି ସହଚର
ଧରଣୀ ପର
ପ୍ରକୃତିର ସମ୍ଭାର
ପ୍ରଭୁଙ୍କ ସୃଷ୍ଟି ସାର ।
~ ସୂର୍ଯ୍ୟକାନ୍ତି ଦାଶ, ଯାଆଁଳା, ଜଟଣୀ
୨୩)
ଦୁଃଖୀ ମଣିଷ
ଖରା ଶୀତ ବରଷା
ମନ ଉଦାସ
ବଦଳେ ଋତୁଚକ୍ର
ତା'ର କି ଯାଏ ଆସେ ।
~ବାସନ୍ତୀ ଦେଈ ଖୋର୍ଦ୍ଧା
🌻🌷🌹🌷🌻
कोई टिप्पणी नहीं:
एक टिप्पणी भेजें