କୋଶଳୀ ହାଇକୁ
ପୁସ୍ତମ୍ ଯୁଆଡି
୧)
ବଜା ଢୁଲିଆ
ଢ଼ଲିଆଖୁସା ଢ଼ିଲ
ପାହାରେ ପକା ।
୨)
ଧାଙ୍ଗରିପନ
ଧଙ୍ଗରା ବିନେ ଛିନା
ମୁହୁଁ ଦର୍ପନ ।
୩)
ଖଁଡାର ଚୁଟେଁ
ଜଟାୟୁର ମରନ
ଜୟ ଶ୍ରୀରାମ ।
୪)
ଦଶରା ଢୋଲ
ଧଙ୍ଗଧଙ୍ଗାସି ଜୁଏ
ଜୁଆନ ଛାତି ।
୫)
ଝାରିଦେ ଝଲା
ଅରେନ୍ଧିଆଁ ହେଇ ନ
ଜଲୁ ଜୀବନ ।
୬)
କଅଁଲି ଖରା
ଗୁରା ଗାଲେଁ ଛଏଁରା
ଦେ ଘାଏ ଚହରା ।
୭)
କୁଇଲି କୁହୁ
ଝରୁଛେ ଯେନ୍ତା ମହୁ
ତୋର ମୁହୁଁ ନୁ ।
୮)
ମନର ସାଜୋ
ପାଖେ ପାଖେ ରସିଆ
ଗୁଟା ପୁରଥି ।
୯)
ମନ ଆକାଶେଁ
ସୁନାର୍ ଚେରେ ଉଡୁଛେ
ମିଛ ସପନ ।
୧୦)
ଲୁକଲୁକାନି
ଟାଏଟ କୁନେ ଲୁକା
ଗୁପତ କଥା ।
୧୧)
ବର୍ଷାର କଥା
ଦରଲି ଦେଲେ ଛନେ
ସିଗିବିଗିଆ ।
୧୨)
ଜନ୍ମର ନାତା
ଧୁରିଆ କୋଶ କୋଶ
ଆ ପାସକେ ଆ ।
୧୩)
ଦୁଖକେ ପ୍ରଶ୍ନ
କାହିଁ ଯାଉଛୁ ତୁର୍ତି
ଗରିବ ଘର ।
୧୪)
ତରାର ଭିଲେଁ
ଚକମକ ଆକାଶ
ଜନ ଏକେଲା ।
୧୫)
ଶୁଷି ଦେଲାନ
ଧରତିର ପାଏନ୍ କେ
ଭୁକା ସୁରୁଜ ।
୧୬)
କଁଟାର୍ ଧରସା
ପାହା ପକେଇ ଚାଲ
ମନର ଜୁ ଥି ।
୧୭)
ଫୁଲର ଇଚ୍ଛା
ମାହାପୁରୁର ବେକେଁ
ଫାଶିର ଫନ୍ଦା ।
୧୮)
ପ୍ରେମର କଥା
ଗୁପତ ନାଇଁ ରଖ
ଘୁରସି ମଥା ।
୧୯)
ଜୁଏ ଜଲସି
ମୋର ଉଦା ଗାଗରେଁ
ବେଦୀର ସାଲେଁ ।
୨୦)
କଅଁଲି ଖରା
ଗୁଲାପି ଗାଲ ସାରା
ଦେ ଘାଏ ଧରା ।
୨୧)
ଭାବର ରାଧା
କୃଷ୍ଣର ପ୍ରେମେ ବନ୍ଧା
ବଏଁଶି ଛନ୍ଦା ।
୨୨)
ଡଙ୍ଗର ବୁଲା
ଝରନାର ପାଏନ
ମନ କରେ ଚେଁ ।
୨୩)
ଧାଙ୍ଗରି ମାଚୋ
ଗିରଜି ଗିଝା ଝୋ ଝୋ
ମନ ନାଚଲା ।
୨୪)
ଶାଗୁଆ ଖେତ
ଝାଲ ପୁଛା ରକତ
ଖେଜା ଥି ନେବେ ।
୨୫)
ନାରଗି ଟେଭା
ଜନ ହେଇ ଲୁକିଦେ
ସୁନ୍ଦରୀ ଗୁଭା ।
--00--
~ ପୁସ୍ତମ୍ ଯୁଆଡି
कोई टिप्पणी नहीं:
एक टिप्पणी भेजें